Напалеон Орда на шматлікіх сваіх малюнках адлюстраваў непаўторную жывапісную панараму Беларусі з яе прыгожымі архітэктурна-ландшафтнымі краявідамі, творамі дойлідства - гарадской, местачковай і вясковай забудовай, храмамі і палацамі. Мастацкая спадчына Орды ўяўляе сабой абагульнены вобраз Радзімы, ілюстраваную энцыклапедыю матэрыяльнай культуры. Малюнкі Н. Орды з'яўляюцца не толькі мастацка значнымі творамі, але і каштоўнай крыніцай гісторыі беларускага дойлідства.

Дзякуючы гэтым малюнкам мы цяпер уяўляем, як выглядалі многія архітэктурныя помнікі і мясціны, што былі знішчаны, альбо непазнавальна змяніліся. Няма ўжо большасці цудоўных сядзіб і палацаў, зруйнаваны кляштары ды касцёлы... Але ў ягоных малюнках Беларусь паўстае як той Фенікс з попелу светлымі абрысамі архітэктурных святыняў.

Гэтая старонка зроблена на падставе мастацкага альбома "БЕЛАРУСЬ У МАЛЮНКАХ НАПАЛЕОНА ОРДЫ. Другая палова ХІХ стагоддзя.", выдадзенага выдавецтвам "Ураджай" у 2001 годзе. Web-версія Менск 2004/2006 гг.