Асаблівасці прыроды Беларусі вызначаюцца яе становішчам. Тут яшчэ досыць моцна адчуваецца ўплыў Атлантыкі, таму клімат пераважна мяккі і вільготны. Зялёным морам раскінуліся лясы, што займаюць трэцюю частку тэрыторыі. Іглічныя масівы змяняюцца цяністымі дубровамі, сонечнымі гаямі і пралескамі. Шумяць лістотай магутныя дубы і клёны, стройныя ясені і духмяныя ліпы. У іх - густыя зараснікі ляснога арэха, чаромхі, дзікіх яблынь, груш і вішні. Суцэльным каляровым дыванам пакрываюць зямлю брусніца, ажына, дурніца, а па балотах — журавіны. У нізкае пахмурнае неба глядзіць мая Беларусь вачамі сваіх блакітных азёр, аббэрсаная, нібы крывяноснай сістэмай, сотнямі рэк, рачулак, каналаў. А сярод яе спакойных ландшафтаў не-не ды і прамільгнуць парэшткі былых пабудоў (фота 013), нагадваючы аб днях мінулых...

Аркуш

1

4

5

>>>