Стварэнне гарадскога, або губернатарскага, саду і бульвара ставіцца да часу кіравання грамадзянскага губернатара Корнева (1790-я гады), які пасадзіў першае дрэва будучага саду. У гонар таго паставілі пірамідальны абеліск з надпісам: "Дворянству и гражданству после трудов отдохновение".

Сад быў пейзажным. Аснову кампазіцыі тады складалі тры шырокія прамыя алеі, пакрытыя ўтрамбаваным пяском. Адна з іх вяла да ракі, іншая ішла ўздоўж яе, трэцця - да вялікага павільёна з прыгожымі калонамі. У абедзва бакі ад ракі былі прарытыя каналы. Асноўныя дарожкі ва ўсіх кірунках перасякаліся шпацэрнымі пейзажнымі. Перад павільёнам, вялікімі альтанкамі і галерэяй для танцаў былі кветнікі, а вакол іх дэкаратыўны хмызняк. Праз Свіслач вёў даволі прыгожы мост са ўслонамі. Ад яго ў розныя кірункі разыходзіліся некалькі дарожак у гарэхавую, ліпавую, ядлаўцовую і каштанавую алеі.

Сёння парк займае 28 гектараў. Ад губернатарскага саду засталіся толькі асобныя дрэвы. Тутака растуць характэрныя для Беларусі елка, хвоя, піхта, бяроза, ліпа, чаромха, каштан ды клён.

Аркуш

1

2

3

4

5

>>>