18 сакавіка 2006 года ў Менску каля пляца Бангалор прайшоў канцэрт-мітынг у падтрымку дэмакратыі на Беларусі. На пляцоўцы вакол сцэны сабралася каля чатырох тысяч слухачоў. Правакацыяў і затрыманняў не было. Канцэрт адбыўся пад лозунгам "За Свабоду" пры даволі неблагім гуку.

Распачаўся ён а 17-й гадзіне з выступу гурта "Крама". На пачатку лідэр калектыву Ігар Варашкевіч сказаў: "Я нарадзіўся 15 жніўня 1960 году ў СССР. І больш туды вяртацца не хачу". Затым гурт выканаў некалькі сваіх найбольш вядомых песен, эмацыйны зарад якіх перадаўся публіцы. У праграме канцэрту, апрача "Крамы", узялі ўдзел Андрэй Хадановіч, малады гурт "Парасон", славуты N.R.M., Кася Камоцкая, Зміцер Вайцюшкевіч, навучэнцы і выпускнікі Коласаўскага ліцэю - удзельнікі супольнага праекту "Партызанская школа", а таксама гурт "Нэйра Дзюбель". Сярод слухачоў было шмат бел-чырвона-белых сцягоў, сцягоў Эўразвязу, сцягоў з выявай зубра.

Аляксандр Мілінкевіч з'явіўся на сцэне на пачатку 19-й гадзіны. Згадаўшы шумна рэкламаваныя ўладай канцэрты "За Беларусь", ён адзначыў, што ёсці і іншая музыка - музыка свабоды. Выступ ён скончыў словамі: "Няхай жыве выдатны, такі мілы нам беларускі рок!".

001-012 Выступае гурт "Крама".

013 Слухачы пяюць разам з "Крамай".

Аркуш

1

3

4

5

>>>