29 ліпеня 1989 года ў Менску на стадыёне гадзіннікавага завода адбылася сустрэча менчукоў з дэлегатамі ўстаноўчага Сойму БНФ. Улада нават гукаўзмацняльную апаратуру дала. Але ж, яна заўсёды баялася грамадзянскай актыўнасці свайго народа, таму і месца для правядзення акцыі вылучыла "глухое" - далей ад вачэй суграмадзян: няхай там тыя "актыўныя" сам на сам пагавораць, а то яшчэ, не дай Божа, іншыя паслухаюць ды й схочуць чаго-небудзь недазволенага. А недазволена ўсё тое, што патрэбна людзям, але ж з таго зусім не патрэбна ўладе. Нягледзячы на тое, што не ўсякаму менчуку лёгка было адразу знайсці той стадыён, людзей памкнулася даволі шмат. Прыбыла і беларускае тэлебачанне. Мітынг адбыўся без значных перашкод, але, як то можна заўважыць, нам ўжо і тады спрабавалі заткнуць рот, раптам адключыўшы мікрафоны.

Аркуш

1

2

3

4

5

>>>