Здымкі зробленыя 8 верасня 1994 года падчас святкавання 480 угодкаў бітвы пад Воршай.

У 1512 годзе Масковія распачала новую захопніцкую вайну супраць нашай дзяржавы. Авалодаўшы Смаленскам, войскі ваяводаў Чалядніна і Булгакава-Голіцы рушылі на Друцк і Воршу. Насупраць ім выступіў гетман Канстанцін Астрожскі са сваімі харугвамі. Вырашальная бітва адбылася 8 верасня 1514 года на рацэ Крапіўне пад Воршай. Гэта была адна з найбўйнейшых бітваў у Эўропе XVI стагоддзя. Нягледзячы на амаль трохразовую перавагу маскалёў - 80 тысяч супраць 30 - войска Вялікага княства Літоўскага атрымала бляскучую перамогу. Усе захопленыя дагэтуль Масковіяй гарады, апрача Смаленска, у тым ліку Гомель, Чарнігіў і Бранск былі вызваленыя. Летапісы і хронікі сведчаць, што маскалі страцілі блізу 40 тысяч ваяроў. Чаляднін, Булгакаў-Голіца і яшчэ восем ваяводаў былі ўзятыя ў палон. Конніца гетмана Астрожскага гнала і секла ворагаў яшчэ пяць вёрстаў.

Аркуш

1

2

3

4

5

>>>