Погляд на горад занятага чалавека.

Растоў-на-Доне месціца на правым беразе ракі Дон. Узнікненне горада ставіцца да 1761 года, калі на змену крэпасці святой Ганны, заснаванай у 1731 годзе недалёка ад цяперашняга горада, была пабудаваная новая крэпасць, названая ў гонар святога Дзімітрыя Растоўскага, Растоўскай. У 1834 годзе тутака былі заснаваныя мытня і порт, якія паспрыялі росту горада. Падчас першай расейска-турэцкай вайны, Растоўская крэпасць паслужыла базаю для расейскіх войскаў у прыазоўскім краі. У 1782 годзе Растоў-на-Доне ўвайшоў у склад Таганрогскага павета азоўскай губерніі, а ў 1888 годзе адышоў да Вобласці Войска Данскога. Быў адным з найбагатых паўднёварасейскіх гарадоў, налічваў чатырнаццаць праваслаўных цэркваў, адну рымска-каталіцкую катэдру, адзін лютэранскі храм, дзве сінагогі і адну мячэць.

Сёння - брудны правінцыяльны, з "азіяцкім водарам", горад. Аб былых абарончых збудаваннях і мытні нагадваюць толькі сваеасаблівыя помнікі. У значнай ступені захавалася дарэвалюцыйная забудова і праваслаўны храм непадалёку ад гарадскога кірмашу, якія сведчаць аб часе былога росквіту і багацця.

Аркуш

1

2

3

4

5

>>>