Электрычка да Маладзечна ідзе даволі доўга - марудна цягнецца час. Тым больш гэта надакучвае, калі ведаеш - гэта яшчэ не мэта твайго падарожжа. На станцыі трэба толькі зрабіць перасадку на цягнік, які рушыць у бок Вільні. Смаргонь, Ашмяны і праз пэўны час - Солы.

Касцёл Маці Божай Ружанцовай відаць ужо здалёк. Гэта мураваны, прастакутны ў плане, аднавежавы храм з развітым трансэптам і выцягнутай паўцыркульнай апсідай ды бакавымі прыбудоўкамі. Па фасаду, што звернуты ў бок чыгункі, адкрытая галерэя, зборы якой падтрымліваюць невялікія калоны. Двухярусныя вежа-званіца прыбудаваная з правага боку, што надае пабудове асіметрычны выгляд. Першы ярус выкананы ў выглядзе прастакутнай трапецыі з контрфорсамі, другі - у выглядзе  васьмігранніка. Касцёл пабудаваны ў стылю мадэрну ў 1926-1934 гадах.

Аркуш

1

2

3

4

5

>>>