Касцёл Святога Апостала Мацвея, пабудовы з цэглы па фундацыі графіні Марыі Тышкевіч і на сродкі парафіянаў у 1858-1862 гадах. Гэта невялічкі двухвежавы аднанефавы храм залявага тыпу з прастакутным планам, безкупальны ды безапсідны пад двусхільным дахам з бакавымі прыбудоўкамі. Яго неф і прыбудоўкі перакрытыя цыліндрычнымі зборамі на подпружных арках, якія абапіраюцца на квадратныя ў сячэнні масіўныя калоны. Трохярусныя вежы маюць дэкаратыўны характар. Невысокі масіўны першы ярус у плане ўяўляе сабою квадрат, другі і трэці ярусы выкананыя ў выглядзе васьміграннікаў. Завершаныя вежы высокім востраканечным дахам. Невялікія па памеры, яна надаюць пабудове лёгкасць і нейкую ўзнёсласць.

Аркуш

1

2

3

4

5

>>>