Паводле Магдэбургскага права, у 1570 годзе Радашковічы атрымалі самакіраванне. Тады тутака існаваў замак, які ўпершыню згадваецца ў інвентары Радашковіч за 1549 год, калі Вялікі князь Літоўскі і кароль Польскі Жыгімонт II Аўгуст правёў "списанье и выведанье замков, дворов и волосцей", у тым ліку і "замку Радашковского".

З тых даўніх дзён да нашага часу тут нічога не захавалася. Замак і ўмацаванні былі парушаныя ды зрытыя. З больш позняга часу захаваліся касцёл Найсвяцейшай Тройцы ды капліца на старых каталіцкіх могілках. Касцёл быў пабудаваны з цэглы па фундацыі Валадковічаў і на сродкі парафіянаў у 1855-1859 гадах. Гэта двухвежавы храм з паўкруглай апсідай. За савецкім часам яго будынак доўга выкарыстоўваўся ў якасці вытворчага памяшкання. Зараз касцёл Найсвяцейшай Тройцы адноўлены і дзейнічае. Непадалёку ад яго на ўзгорку стаіць драўляная царква, пабудаваная па некаторых звестках у 40-я гады XX стагоддзя.

Аркуш

1

2

3

4

5

>>>