Раён сучаснай вуліцы Магілёўскай яшчэ ў 1980-я гады мінулага стагоддзя быў у асноўным забудаваны аднапавярховымі драўлянымі хатамі. Зразумела, што пажары тут былі звыклай справай.

Недзе ў 1940-1950-я гады нападалёку ад рэяк Маскоўска-Берасцейскай чыгункі быў узведзены будынак пажарнага дэпо. Гэтая прастакутная ў плане двухпавярховая камяніца са зрушанай да левага боку вежай і трыма брамамі для пажарных аўтамабіляў захавалася сёння амаль што ў першапачатковым выглядзе і выкарыстоўваецца па прызначэнні.

Найбольшую цікавасць выклікает мінавіта вежа, якая сёння ўжо страціла свае вартаўніцкія якасці, і губляецца на фоне шматпавярховых бэтонавых будынкаў.

Аркуш

1

2

3

4

5

>>>