Другі напрамак прайшоў з паўночнага ўсходу на паўднёвы захад. Пад знос трапіў вялікі комплекс гістарычнай забудовы вуліц Нямігі і Ракаўскай. Пры гэтым была знішчаная планіровачная структура сярэднявечнага паходжання, нязначна змененая ў перыяд класіцызму, у тым ліку планіроўка і забудова трохкутнай плошчы Нізкага рынку. На рагу гарадскіх планіровачных дыяметраў была разбураная сінагога XVIII стагоддзя, адзін з двух сіметрычных флігеляў гарадской сядзібы XVIII стагоддзя. Знік найцікавейшы элемент гістарычнага раёна - комплекс забудовы вуліцы Дзям'яна Беднага. Кароткая па працягласці вуліца складанай канфігурацыі служыла камунікацыяй паміж двума гандлёва-грамадскімі цэнтрамі: сярэднявечным, якім з'яўлялся Нізкі рынак разам з замкам, і эпохі рэнесансу і барока - Высокім рынкам. На вуліцы Дзям'яна Беднага, якая яшчэ ў 1930-я гады мела шчыльную, старажытную ў сваёй аснове забудову, да нядаўняга часу захоўваўся апошні будынак, які быў знішчаны для будаўніцтва станцыі метро.

Аркуш

5