Асноўнымі збудаваннямі ансамбля з'яўляліся: ратуша канца XV стагоддзя, гасціны двор XVI стагоддзя, комплекс мужчынскага і жаночага базыльянскіх кляштараў першай паловы XVII стагоддзя з царквой Святога Духа, езуіцкі кляштар XVII-XVIII стагоддзяў з самым буйным у Менску храмам і асобнай званіцай, мужчынскі і жаночы бернардынскія кляштары XVII-XVIII стагоддзяў з барочнымі касцёламі, дамініканскі кляштар таго ж часу, будынак гарадскога тэатра канца XVIII стагоддзя, гасцініца "Эуропа" пачатку XIX стагоддзя, што была буйнейшай грамадзянскай пабудовай Менска, сінагога XVIII стагоддзя.

У XIX стагоддзі былі разбураныя ці перабудаваныя асобныя выдатныя архітэктурныя збудаванні. У 1850-х гадах яхвярай стала ратуша, 1895 годзе вуніяцкая царква Святога духа была пераўтвораная ў праваслаўны Петрапаўлаўскі сабор, а будынкі базыльянскіх кляштараў занятыя духоўнай кансісторыяй і губернскай гімназіяй. Двойчы, у сярэдзіне і напыканцы стагоддзя, былая царква Святога Духа - самабытны помнік рэнесансу з элементамі готыкі - перабудоўвалася ў псеўдарускім стылі. У 1850-х гадах грунтоўна перабудаваны комплекс езуіцкага кляштара: вежа-звыніца набыла функцыю пажарнай каланчы, а будынак калегіума страціў першапачатковы дэкор.

Аркуш

3