Першае згадванне аб Менску ставіцца да 1067 года. У тым годзе, як сведчыць старажытны эпас "Слова аб палку Ігаравым", на раце Нямізе адбылася бітва паміж кіеўскімі князямі Яраславічамі і палацкім князям Усяславам. Тая бойка была, хутчэй за ўсё, не першай і, ўжо дакладна, не апошняй, з тых што адбыліся на менскай зямлі. Шмат чаго было парушана ды назаўжды зруйнавана ў горадзе падчас тых напасцяў. Але, відаць, яшчэ больш за тое пашкодзілі яго расейская царская, а потым і савецкая ўлады. Былі зруйнаваныя шматлікія архітэктурныя помнікі нашай гісторыі, каб мы назаўжды забыліся на тое адкуль ідзе наш род...

Напачатку XXI стагоддзя гэтую "хвалебную" эстафету прыняла на сябе "Мінская спадчына", і з вялікім поспехам знішчае тое, што пашкадаваў у Менску час. Але, гэта ўжо іншая гісторыя, і ёй прысвечаны асобны падзел...

Таксама няварта разважаць зараз тут і аб тым, падабаецца ці не мне гэты горад, у якім прайшла большая частка жыцця. Размова пра іншае: я тут жыву і ГЭТА МОЙ ГОРАД...

У маім горадзе ў мяне ёсць і свае ўлюбёныя месцы. Таму цяпер мы з вамі пачнём кружыць па яго вуліцах і пляцах, часам вяртаючыся туды, дзе ўжо аднойчы пабывалі і кожным разам знаходзіць там штосьці новенькае. Наперад!..