Вось і надышоў час "рэстаўрацыі" Лошыцкай сядзібы (фота 034-035). Гаворка пра тое ішла ўжо не адзін год, і вось - дачакаліся. На беразе става ды пад вокнамі сядзібы графаў Прушынскіх з'явіліся самазвалы, зарваныя дахі з вытворчых будынкаў, там-сям бачныя падпаліны ад пажараў, а на месцы некаторых з іх ужо роўны жоўты пясочак - у Лошыцкім парку вядуцца будаўнічыя і земляныя работы, якія зменяць выгляд гістарычнай сядзібы і ўнікальнага парку. Дык жа ж, ці захаваюцца парк і сядзіба як гістарычныя помнікі?

Сказаць пра тое сёння ня могуць ні будаўнічы майстар Юры Карповіч, што кіруе экскаватаршчыкамі і шафёрамі грузавікоў, якія вывозяць іл з дна Лошыцкай запруды, бо праекту перабудовы парку ён ня бачыў, ні дырэктар Лошыцкай садова-паркавай гаспадаркі. Анатоль Львовіч шчыра кажа, што таксама ня бачыў праекту рэканструкцыі. А хто бачыў?

"Тут жа працуюць рэстаўратары, яны адкрываюць усе гістарычныя слаі, вызначаць старэйшы, і адносна яго будзе ўсё аднаўляцца. Кожны пакой, кожны... Пры чым тут сучасны выгляд? Ёсць жа навуковы кіраўнік. Ніхто не дазволіць тут усё перарабіць па-сучаснаму". - кажа ён.

Аркуш

3

>>>