Мястэчка Івянец Валожынскага раёна Менскай вобласці месціца ва ўзгорыстай лясістай мясцовасці на рацэ Волме. Вядома з XIV стагоддзя як прыватнаўласнае селішча Вялікага князя Літоўскага Вітаўта. Развіццё Івянца было звязана з тым, што стаяў ён на старым шляху з Менска ў Вільню, які страціў сваё значэння пасля будаўніцтва ў канцы XVIII стагоддзя Віленскага гасцінца.

Тутака захаваўся касцёл і кляштар францысканцаў, акружаны мурамі з брамай і кутняй вежай. Кляштарны касцёл Святога Міхала, пабудаваны на пачатку XVIII стагоддзя і рэстаўраваны ў сярэдіне XIX стагоддзя, уяўляе сабою двухвежавую базіліку з развітым трансэптам. Шматярусная дынамічная пабудова веж, скульптурнасць элементаў, крывалінейныя абрысы абцугоў завяршення, малюнак купалаў адносіць храм да стылю "віленскага барока". Інрэр'ер першапачаткова быў упрыгожаны скульптурай, ляпнінай і разьбярствам. Доўгі час касцёл і ацалелыя кляштарныя пабудовы выкарыстоўваліся ў якасці вытворчых памяшканняў. Зараз касцёл адноўлены.

Аркуш

1

3

4

5

>>>