Берасцейская крэпасць была збудаваная ў сярэдзіне XIX стагоддзя на месцы старажытнага гарадзішча, на выспах, паміж рэкамі Заходні Буг і Мухавец, іх рукавамі і штучнымі каналамі. Стварыць фартыфікацыйныя ўмацаванні прапанаваў у 1797 году вайсковы інжынер Девалан. Праект крэпасці, распрацаваны расейскімі вайсковымі інжынерамі Опперманам, Малецкім і Фельдманам, быў зацверджаны ў 1830 годзе.

Цытадэль будавалася на месцы гандлёва-рамеснага цэнтра горада, які ў сувязі з гэтым быў перанесены на правы бераг Мухаўца. Валынскае (Паўднёвае) умацаванне будавалася на месцы старажытнага дзяцінца, дзе да пачатку будаўніцтва Берасцейскай крэпасці знаходзіўся Берасцейскі замак (разабраны ў гэты перыяд). Кобрынскае (Паўночнае) умацаванне ўзводзілася на месцы Кобрынскага прадмесця, дзе знаходзіліся сотні сядзіб гараджан. Тереспольское (Заходняе) будавалася на левым беразе Заходняга Буга. На тэрыторыі забудовы было шмат цэркваў, манастыроў, касцёлаў. Некаторыя з іх перабудоўваліся або прыстасоўваліся пад патрэбы гарнізона крэпасці. На Цэнтральнай выспе ў калегіюме езуітаў, пабудаваным у XVIII стагоддзі, размясцілася канцылярыя кашталяна крэпасці; манастыр базыліянінаў, пазней вядомы пад назовам Белы палац, быў перабудаваны пад афіцэрскі збор. На Валынскам умацаванні ў манастыры бернардынаў, які існаваў з пачаткў XVII стагоддзя, у 1842-1854 гадах знаходзіўся Брэсцкі кадэцкі корпус, пазней вайсковы шпіталь.

Аркуш

1

3

4

5

>>>