Шчырае прывітанне ўсім, хто зазірнуў у гэты мядзьвежы куток. Як вы ўжо зразумелі, гэта мой "фейс" і сайт таксама. А калі што каму не да спадобы, дык далей чытаць і ня трэба. Астатнім наступнае. Ён зроблены ўласнымі намаганнямі з дапамогай цудоўных "прог" Photoshop, PhotoImpact і, куды ж без яго, Microsoft Word. Зразумела,  гэта не цуд дызайну, але, як кажуць: "Маем, што маем". Тут ёсць магчымасць паглядзець некаторыя з аўтарскіх фотаздымкаў, зробленых на Беларусі, Літве, Украіне ды Расіі. Тое-сёе пачытаць, паглядзець некаторыя з малюнкаў Напалеона Орды, карціны Яна Алазія Матэйкі, наведаць галерэю "Партрэты Вялікага Княства". Вось, здаецца, і ўсё што трэба (ці не трэба) было сказаць, каб папярэдзіць Вас, шаноўныя. Цяпер заходце, будзь ласка, калі гэта Вам цікава, - глядзіце ды чытайце.

НАВІНЫ САЙТА

5/03/2005 Дзякуючы вялікім намаганням :) і ўласнай незадаволенасці, сайт быў перароблены і адноўлены пад іншай назвай. Ён набыў больш прывабны знешні выгляд, стаў больш інфармацыйна насычаны. Нягледзячы на тое, ягоная сутнасць засталася  тая ж самая. 12/03/2005 Дададзена новая старонка, прысвечаная пісьменніку Сяргею Пясэцкаму. 07/01/2006 Выпрабавальны запуск на новым месцы - у сяброў на Украіне. Амаль нічога не працуе - толькі котку ў хату ўпусцілі, але ж хутка будзе ўсё адноўлена. 02/12/2006 Сайт зноў набыў уласны інтэрфейс і змяніў адрас.06/12/2006 Падключаныя падзелы Wallpaper, Stories, Links. 11/12/ 2006 Сёння выбух старажытнай гарматы абвясціў аб адкрыцці Артгалерэі. Усе хто прысутнічаў на гэтым фэсце пілі шампан да глядзелі тое, што атрымалася. 17/12/2006 Урэшце пачаў працаваць падзел Photos. 10/02/2007 У падзеле "Рознае" з'явілася старонка "Мапы беларускіх земляў". 07/03/2007 Дзякуючы Беларускаму моладзеваму руху Амерыки, "Куточак" атрымаў сталую прапіску. Сёння адбыліся ўводзіны ў новай хатцы. 01/04/2007 З'явілася 3-я старонка "Падзеі і людзі" са здымкамі некаторых падзей нашай найноўшай гісторыі. Адбыліся пэўныя змены ў падзелах "Беларусь" і "Рознае". 05/04/2007 У бібліятэцы "Куточка" урэшце з'явілася кніга "Краіна Беларусь. Ілюстраваная гісторыя". Файлы даволі вялікія (3-4 з нечым Мбайты), але ж яны таго вартыя. 30/06/2007 На паліцы бібліятэкі з'явілася гістарычная трылогія Генрыка Сянкевіча  "Агнём і мячом", "Патоп", "Пан Валадыёўскі" і раман "Крыжакі". 24/02/2008 З моманту апошняй абвесткі на сайце адбылося шмат змен. У падзеле Photos з'явіліся старонкі: "Менск, які мы губляем", "Вечар адышоўшага дня " і шмат чаго яшчэ. У падзеле Stories: "Як пошуг маланкі. Расціслаў Лапіцкі", "Беларускі каляндар-даведнік на кожны дзень"  ды іншае.

   Увага, шаноўныя!     Зараз праз E-mail прымаюца замовы на фатаграфаванне, аблічбоўку (сканаванне) чорна-белых і каляровых негатываў і дыяпазітываў (слайдаў), апрацоўку і рэстаўрацыю старых і ня вельмі старых :) фотаздымкаў, сканаванне графічных і тэкставых арыгіналаў. Таксама Вы маеце магчымасць замовіць фотакарткі ўсіх прадстаўленых на сайце аўтарскіх фотаздымкаў, альбо арыгінальныя файлы (фармат jpg 10x15 см. 200-300 dpi) для камерцыйнага і не камерцыйнага выкарыстання. Будуць разгледжаныя ўсе замовы, а таксама прапановы наконт супрацоўніцва.